Ѕвездата на филмовите за Хари Потер, Даниел Редклиф и неговата долгогодишна партнерка Ерин Дарк го добија своето прво дете.
„Дејли мејл“ објави фотографии од парот како шета со своето дете во количка по улиците на Њујорк, набргу откако се дозна дека ќе станат родители. Актерот носел капа и заштитна маска, но фотографите сепак го забележале.
За потсетување, 33-годишниот актер ја запозна Ерин на сетот на филмот „Kill Your Darlings“ во 2013 година, во кој тој го играше поетот Ален Гинсберг, а таа ја глумеше жената која има романтична средба со него. Меѓутоа, Редклиф ретко зборува за својот приватен живот.
„Како актер, сакам само да го живеам својот живот и да се гледам со своите пријатели. Сакам единственото нешто за што луѓето зборуваат да биде мојата работа”, изјави претходно.
