Денешниот ден, светскиот ден на книгата бил избран за празник бидејќи токму на 23 април починале Вилијам Шекспир, Мигел Де Сервантес и познатиот хроничар Инка Де Ла Вега. Можеби е штета што тројцата не се познавале иако живееле во сличен период, 16-тиот и почетокот на 17. век.
Од тројцата, бардот од Авон ја ја продолжи старогрчката драма во англосаксонскиот свет. Сервантес пак, со „Дон Кихот“ го испиша првиот протип на роман, додека Де Ла Вега пишуваше за историјата на племето Инки и ја начна хиспано-американската литература.
Издвојуваме десет најпознати делови од стихови од драмите на Шекспир.
Да се биде или не: тоа е прашањето. (Хамлет)
Вистинската љубов никогаш не течела без проблеми. (Сон на летната ноќ)
Пазете се од идеите во месец март. (Јулие Цезар)
Одете во женски манастир. (Хамлет)
И ти ли бруте (ме предаде)? (Јулие Цезар)
Оваа дама премногу протестира, мислам јас. (Хамлет)
Коњ! Коњ! Цело мое царство за еден коњ! (Ричард III)
Пријатели, Римјани, соселани, позајмете ми ги вашите уши. (Јулие Цезар)
Вината, драг Бруте, не е во нашите ѕвезди, туку во нас самите. (Јулие Цезар)
Ние сме оние работи од кои се прават соништата; а нашиот мал живот е заокружен со сон. (Бура)
Истражувачите денес се сомневаат дали можеби зад Шекспир стојат други автори, како што би можеле да бидат Френсис Бејкон, Кристофер Марлоу или Едвард де Вер. Други шпекулираат дека бил бисексуалец или хомосексуалец врз основа на неговите сонети.
Трети велат дека знаат дали тој било протестант, католик, атеист или можеби пуританец. Но, за овие шпекулации нема цврсти докази.
Едно од интересните совпаѓања е дека истражувачите знаат кога Шекспир починал, но не знаат точно кога бил роден, иако се знае дека исто било во месецот април, (1564 година во Авон).
Тоа ни ја остава можноста овој голем писател да бил роден на истиот ден кога и починал.
фото: pixabay.com
