Според последните податоци на словенечката здравствена лабораторија, меѓу примероците позитивни на коронавирус, кои биле обработени во периодот од 24 март до 7 април, потврден е нов сој омикрон.
Од земјите каде веќе е потврдено, се пријавуваат нови симптоми кои меѓу другото вклучуваат и конјунктивитис, висока температура, но според досегашните податоци нема сериозни компликации.
Се верува дека „Арктурус“, изведен од Омикрон, е најзаразната варијанта до сега.
Сепак, врвните научници не очекуваат дека ќе биде посмртоносен од другите видови кои моментално циркулираат, кои предизвикуваат многу поблага болест која многу наликува на грип.
