Германските граѓани во четврток и петок ќе се соочат со нови масовни штрајкови во транспортниот сектор, кои ќе погодат неколку аеродроми и целиот железнички сообраќај, беше најавено во средата.
„Не сакаме да ги казнуваме патниците, туку да го зголемиме притисокот врз железничката управа“, рече претседателот на синдикатот на вработените во железничкиот сектор ЕВГ Козима Ингеншај.
Како причина за штрајкот на целиот железнички сектор, кој ќе се одржи в петок од 3 до 11 часот, таа ги наведе тешкотиите во преговорите за новиот тарифен договор.
ЕВГ преговара своите вработени да ги зголемат платите за најмалку 650 евра и го отфрла предлогот на работодавачот ЕВГ да го почитува неодамна постигнатиот договор меѓу вработените во јавните служби и државните работодавачи.
Германските железници (ДБ), најголемиот работодавач во преговорите со ЕВГ, го критикуваше најавениот штрајк кој, според нивните претставници, и покрај тоа што е ограничен на половина ден, ќе предизвика големи потешкотии во сообраќајот.
„Овој штрајк е целосно непотребен и ќе влијае на многумина кои секојдневно патуваат на работа“, рече претставникот на ДБ, Мартин Сејлер.
Со цел да се зголеми притисокот врз работодавците во тековните преговори, синдикатот на јавниот сектор Верди ги повика вработените на аеродромите во Дизелдорф, Келн/Бон и Хамбург на дводневен штрајк.
Пред неполни четири недели синдикатите на вработените во транспортниот сектор штрајкуваа во координирана акција низ државата.
