Познатата пејачка Рита Ора е меѓу изведувачите кои ќе настапат како гости во прекинот на полуфиналната вечер на Евровизија.Првото полуфинале ќе го отвори водителката Јулија Санина со песната Maâk на нејзиниот бенд The Hardkiss, а Рита ќе изведе мешавина од нејзините најголеми хитови како и нејзиниот нов сингл Praising You.
Украинскиот пејач Аљош ќе настапи со Ребека Фергусон.
Марија Јаремчук во второто полуфинале ќе настапи со раперот ОТОЈ и 14-годишната претставничка на Украина на минатогодишниот детски Евросонг, Злата Џиунка.
Се уште не се знае кој ќе настапи за време на финалето, но и тоа ќе биде објавено наскоро.
За потсетување, Евросонг оваа година ќе се одржи во Ливерпул, Велика Британија. Презентери на полуфиналната вечер се актерката Хана Вадингам, музичарката Алеша Диксон и украинската пејачка Јулија Санина. Во финалната вечер на сцената ќе им се придружи и познатиот водител Греам Нортон. Натпреварувачите ќе ги прогласат и Сем Квек, Мел Гидројк, Рајлан, Скот Милс и Тимур Мирошниченко.
