Оливија Дан е име што се користи во САД во контекст на таканаречената опседната убавица.
Оливија настапува за Универзитетот во Луизијана и стана исклучително популарна, до тој степен што универзитетот мораше да ангажира телохранители за да ја бранат од тинејџерски насилници.
Се работи за навивачите.
Имаше неколку инциденти на натпреварот во Јута каде тинејџери брзаа да ја допираат, да се сликаат со неа.
„Секогаш ќе ја ценам и ќе ја сакам вашата поддршка, но ако дојдете на натпреварот, сакам да ве замолам да ги почитувате другите гимнастичари и гимнастичката заедница бидејќи ние само си ја работиме нашата работа“, рече таа подоцна.
Таа доби инстантна слава, но и инстант проблеми. Низ историјата, тој пакет беше нераскинлив за сите јавни личности.
Во овој момент веќе заработува околу два милиони долари годишно, а најголем дел од парите доаѓаат од спонзори. Во моментов на Инстаграм ја следат повеќе од 3,9 милиони луѓе.
Џеј Кларк, тренерот на гимнастичарите, истакна дека телохранителите се надвор од соблекувалната, во автобусите и во хотелите …
„Телохранителите се таму за да создадат безбедносен прстен. Сакаме да комуницираме со навивачите, но не по цена да се повредат гимнастичарите. Едноставно, безбедноста е на прво место“, изјави Кларк.
Иако според законот во Соединетите Американски Држави, оваа спортистка не била ни полнолетна (има 19 години), таа минатата година успеала да стане милионерка.
Само врз основа на социјалните мрежи успеала да потпише голем број спонзорски договори. Шест милиони луѓе ја следат на TikTok, а 2.1 на Instagram, што беше доволно спонзорите да го препознаат нејзиниот потенцијал.
Заработила милион долари речиси преку ноќ.
„Сакам да бидам пример за младите девојки. Сакам да бидам добар пример и да испратам порака дека сме повеќе од она што го покажуваме преку спортот. Тие работи ми се многу важни. Не сакам да вршам притисок врз себе и да се обидувам да се споредувам со другите луѓе. Се обидувам да најдам баланс помеѓу студиите, социјалните мрежи и гимнастиката. Тоа се сите мои приоритети“, рече Дан.
Дан е репрезентативка на САД во гимнастика и нова голема ѕвезда на овој спорт со богата традиција.
