Американското Министерство за правда поведе истрага за смртта на тинејџер од Вашингтон кој беше застрелан од полицаец кој седел зад него во автомобил. Даланео Мартин (17) на 18 март спиел во украдено паркирано возило кога полицијата дошла, ја отворила вратата и се обидела да го уапси.
Министерството за правда соопшти дека се работи за „трагичен и вознемирувачки случај“ и изрази сочувство до семејството и пријателите на убиениот 17-годишник.
Претседателот на американскиот синдикат Парк Полис ги бранеше постапките на офицерот.
Целиот настан е снимен од камерите на униформите на полицајците кои учествувале во акцијата. На неа се гледа како полицајците се прикрадуваат во автомобилот со намера да го уапсат криминалецот.
Осомничениот, кој бил црнец, се разбудил и се обидел да се оддалечи со автомобилот иако полицаецот веќе бил на задното седиште.
Полицаецот му наредил на малолетникот да го запре автомобилот, а потоа го застрелал одзади.
– Застани. Застани или ќе пукам! – му рекол полицаецот на 17-годишникот неколку секунди пред да пука неколку пати со огнено оружје, пишува Би-би-си.
На снимката се гледа како автомобилот удира во куќата неколку секунди подоцна, а полицајците на предниот тревник му пружаат прва помош на тинејџерот.
Полицајците велат дека во автомобилот бил пронајден пиштол.
Синдикатот застана во одбрана на полицаецот
– Постоеше легитимна, законска причина полицаецот да биде во автомобилот, а беше оправдана и употребата на сила. Синдикатот стои зад акциите што ги презема полицијата – изјави Кенет Спенсер за Вашингтон пост.
Мајката на убиениот тинејџер побара полицаецот кој го застрела нејзиниот син да биде отпуштен и кривично да се гони на суд.
