Еден од најпопуларните поп-пејачи Хари Стајлс е снимен како страсно се бакнува со манекенката Емили Ратајковски на улиците на Токио.
Додека се бакнуваа, изгледа не им беше грижа кој може да ги види.
Хари во моментот настапува во Јапонија, во склоп на неговата серија концерти наречена „Love On Tour“. Кон крајот на минатиот месец беше објавено дека Хари има нова девојка, иако мистериозната жена не беше идентификувана – досега.
Додека, пак, Емили, во последниве месеци ја поврзуваа со комичарот Пит Дејвидсон, Ерик Андре, како и со диџејот Орејшн Рисп.
Во септември минатата година таа поднесе барање за развод од филмскиот продуцент Себастијан Бер-МекКлард, со кој има син. Таа како причина за разводот го наведе неверството на Себастијан.
Во меѓувреме, Хари Стајлс и актерката Оливија Вајлд ја прекинаа врската во ноември откако открија дека имаат „различни приоритети кои ги одвоиле“.
