Од 800 до 10.000 евра ќе плаќаат компаниите кои нема да ги намалат цените на тестенините и млечните производи за процентот на кој ги замрзна владата, информираат од Пазарниот инспекторат.
Инспекторите, како што е најавено, веќе од четврток ќе почнат да вршат засилени контроли.
За претходното замрзнување на цената на лебот инспекторите веќе извршија 300 контроли и изрекоа казни за непослушните компании. Од нив, 65 се трговци не ја почитувале владината одлука за замрзнатат зена од 33 денари за лебот и за тоа ќе платат по 15.500 евра.
Владата од 16 март ги замрзнува цените на тестенините и млечните производи за 15 и 10% пониско од цената која ја имале на 1 март.
