Најмалку 59 мигранти, меѓу кои 12 деца, загинаа, а се стравува дека уште десетици се водат како исчезнати откако нивниот брод потона во разбрануваното море крај јужна Италија.Тоа се случи кога тој се обиде да плови во близина на Кротона во неделата. На чамецот имало мигранти од Авганистан, Пакистан, Сомалија и Иран, јави Би-Би-Си.
Меѓу загинатите има и бебе, соопштија италијанските власти.
Министерот за внатрешни работи Матео Пјантедоси, кој дојде на местото на настанот, рече дека дури 30 лица се уште се водат како исчезнати.
Телата извлечени од плажата се наоѓаат во блиското приморско одморалиште во регионот на Калабрија.
Крајбрежната стража соопшти дека 80 луѓе биле пронајдени живи, „меѓу кои и некои кои успеале да стигнат до брегот по потонувањето“.
Не е познат точниот број на луѓе кои се наоѓале на бродот кој пред неколку дена испловил од Турција.
Спасувачките екипи за AFP изјавија дека на бродот имало „повеќе од 200 луѓе“, што би значело дека повеќе од 60 лица се водат како исчезнати.
Многу мигранти избегаа во многу тешки услови, изјави италијанскиот претседател.
Пакистанскиот премиер Шехбаз Шариф се осврна на извештаите дека повеќе од дваесет Пакистанци се меѓу загинатите и ја нарече веста „длабоко загрижувачка“. Тој им нареди на пакистанските дипломати „што е можно поскоро да ги утврдат фактите“.
Како што пренесува Би-Би-Си, во некои извештаи се наведува дека бродот потонал откако удрил во карпи за време на лоши временски услови.
Еден преживеан е уапсен поради сомнение за кривично дело трговија со луѓе (мигранти), соопшти царинската полиција.
Италијанскиот премиер Џорѓа Мелони, која беше избрана минатата година делумно поради нејзиното ветување дека ќе го запре протокот на мигранти во Италија, ја изрази својата „длабока тага“ и ги обвини шверцерите на луѓе за смртта.
„Нехумано е да се менуваат животите на мажите, жените и децата за цена на „билет“ што тие го платиле во лажна перспектива на безбедно патување“, наведува таа во соопштението, додавајќи дека Владата е посветена на прашање на пристигнувања и заминувања и решавање на вакви случаи.
Десничарската влада на Мелони вети дека ќе ги спречи мигрантите да стигнат до бреговите на Италија и во последниве денови протурка нов тежок закон со кој се заоструваат правилата за спасување, според Би-Би-Си:
Карло Календа, поранешен министер за економија на Италија, рече дека луѓето во тешкотии на море треба да се спасат „без разлика на цената“, но додаде дека „мора да се затворат илегалните имиграциски патишта“.
Претседателката на Европската комисија Урсула ван дер Лајен изјави дека е „длабоко тажна“ поради инцидентот, додавајќи дека „загубата на невините животи на мигранти е трагедија“. Таа рече дека е клучно да ги „удвоиме нашите напори“ за да постигнеме напредок во реформирањето на правилата за азил на ЕУ за да се справиме со предизвиците на миграцијата во Европа.
