Министерството за здравство информира, согласно податоците од Институтот за јавно здравје дека во последните 24 часа се направени 1.024 тестови, а регистриран е 41 нов случај на ковид-19.
Во меѓувреме оздравеле 457 пациенти, најголемиот дел во Скопје (250).
Во текот на изминатите 24 часа, регистрирано е едно починато лице од Кичево (89), кое починало во болнички услови. Согласно Регистарот на умрени лица со дијагноза ковид-19 од Мој термин, дополнително се пријавени 2 починати лица од Скопје (66) и од Кавадарци (55). Од пријавените починати лица, едно лице е починато во домашни услови, а едно лице во болнички услови. Пријавените лица се починати на 15.03.2022 год.
Од вкупниот број на починати лица, кај две се регистрирани коморбидитети.
