Триесет и шестгодишна жена од Скопје се здобила со тешки телесни повреди констатирани во градската болница откако во неа удрило возило марка мерцедес, информираат од МВР.
Несреќата се случила синоќа околу 22 часот на булеварот „Никола Карев“ кога возилото марка мерцедес со скопски регистерски таблички управувано од 70-годишниот А.Џ. од Скопје удрило во жената. Извршен бил увид од увидна екипа од СВР Скопје.
„На 16.04.2023 во 22.00 часот било пријавено дека во Скопје, на бул.„Никола Карев“, патничко возило „мерцедес“ со скопски регистарски ознаки, управувано од А.Џ.(70) од Скопје, удрило во Н.Д.(36) од Скопје. Во несреќата Н.Д. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје“, велат од МВР.
