Жупанскиот суд во Загреб му изрече мерка притвор на 35-годишниот маж, политички активист, кој во четвртокот вечерта до смрт избодел жена во нејзиниот стан во загрепската населба Средњаци. Истрагата против него е отворена за убиство, за кое хрватскиот Кривичен законик предвидува казна од најмалку 5 години затвор.
Потврдено е дека убиството се случило околу 20:50 часот кога 35-годишниот маж насилно влегол во станот и со остар предмет и нанел неколку убоди и расекотини.
Случајот бил откриен во петокот наутро кога жената не се појавил на работа, па нејзиниот син дошол во нејзиниот дом и ја нашол мајка му мртва. Истрагата на местото на настанот траела до раните попладневни часови, а многу брзо потоа било потврдено дека лицето поврзано со делото е приведено.
Како што дознава N1, 35-годишникот осомничен за убиството, на распитот бил целосно расеан и на инспекторите им рекол дека „го спасил универзумот“. Инаку, станува збор за човек кој бил член на политичка партија и на локалните избори во 2021 година како нејзин претставник бил член на избирачкиот одбор во населбата каде што се случило убиството.
