32-годишен маж е уапсен во Кастроп-Рауксел во северозападната провинција Рур од страна на антитерористичката единица на германската полиција под обвинение дека планирал напад мотивиран од исламисти.
Маж со иранско државјанство е осомничен дека набавил цијанид и рицинусово масло, објавија во неделата наутро во заедничка изјава јавното обвинителство од Дизелдорф и полицијата од Реклингхаузен и Минстер.
Рициниус е високо токсично биолошко оружје.
Во саботата вечерта, полицијата го претресла станот на 32-годишниот маж во Кастроп-Рауксел во близина на Дортмунд и Есен.
Обвинетиот е осомничен дека подготвувал серија насилни дејствија опасни за државата“, се наведува во соопштението. „За време на претресот пронајдени се отрови и приложени како доказ“, се додава.
Осомничениот е приведен заедно со уште еден маж, а медиумите јавуваат дека се работи за неговиот брат.
Днвеник Билд пишува дека германските власти пред неколку дена добиле предупредување од странска разузнавачка служба за закана од напад со „хемиска бомба“.
Неколку исламистички напади беа извршени во Германија во последниве години, вклучувајќи го и нападот со камион на божиќниот пазар во 2016 година, во кој загинаа 13 лица.
