Осумте ѕвона на катедралата Нотр Дам во Париз денеска заѕвонија по повеќе од пет години од пожарот кој сериозно ја оштети зградата, јавува агенцијата Франс прес.
Малку пред 10:30 часот, ѕвоната кои се движат со помош на мотор, биеа едно по друго додека заедно не постигнаа хармоничен звук, јавуваат медиумите.
– Ова е прекрасна сцена, важна и симболична, сите ѕвона се заедно за првпат по пожарот – рече Филип Јост, кој ја предводи јавната институција одговорна за реставрација на катедралата.
По завршувањето на реставрацијата, катедралата треба да биде отворена на 7 декември.
Раководителот на работата на поставувањето на ѕвоната рече дека сè уште не е сè совршено, но дека првиот тест поминал добро и дека сѐ ќе биде доведено до совршенство.
Враќањето на камбаната е дополнителна етапа во оживувањето на една од најголемите катедрали на Римокатоличката црква, регистрирана како светско наследство на УНЕСКО и еден од најпосетуваните споменици во Европа.
За време на пожарот на 15 април 2019 година, северниот дел од катедралата мораше да биде обновен, а за да се направи тоа, осумте ѕвона во кулата мораше внимателно да се отстранат, исчистат и обноват.
Камбаните носат имиња на личности кои ја одбележале таа епархија и црква.
Обновените ѕвона, од кои најтешкото е четири тони, беа вратени во катедралата во средината на септември.
