Нашиот универзум имал своја еволуција, од ладен облак со гас па сè до денешните галаксии и сложените кластери кои тие ги формираат и кои ги гледаме денес. Да се прикаже како тоа изгледало би ви требале многу информации од астрофизиката и тоа од самиот негов почеток пред 13,8 милијарди години. За такво нешто ќе ви треба суперокомпјутер, пишува НаучниНовости.
Новата симулација на проектот Космичка Зора ја дава токму таа слика и да, универзумот личи на некаков биолошки организам во формирање, на збир од нервни влакна или можеби гранки. Симулацијата почнува само 10 милиони години по големиот Биг Бенг кога почнале „космичките темни доба“ и формирањето на ѕвездите. Гледано во космички размер тоа е прилично блиску до почетокот на универзумот. Новите ѕвезди и галаксии кои се формираат се дадени со бела боја.
Ова е најкомплетната, детална и точна репродукција на еволуцијата на универзумот досега произведена, објавија истражувачите во ноемвриските месечни известувања на Кралското астрономско друштво.
