Американската актерка Тори Спелинг, која се прослави во серијата „Беверли Хилс“, откри дека едно од нејзините деца тешко ја започнало учебната година.
– Моите деца штотуку се вратија на училиште и токму кога ќе помислите дека сè помина добро, едно од моите деца беше малтретирано на првиот ден од новата учебна година – изјавила 49-годишната Спелин за магазинот „Пипл“.
– Работиме на зајакнување на нејзината самодоверба – додала актерката.
Спелинг претходно отворено зборуваше за злоупотребата со која се соочувала нејзината 14-годишна ќерка Стела низ годините. Сега се чини дека нејзиното второ дете поминува низ истото.
– Нашите деца треба да се справат со многу нешта. Се соочуваат со злоупотреба од своите врсници, но се соочуваат и со злоупотреба на социјалните мрежи, па дури и од нивните родители – објасни таа.
– Ќе проговорам, кој било ден во неделата ќе се појавам на училиште и ќе реагирам – нагласила актерката.
Таа објаснила дека преку своето искуство морала да излезе од својата комфорна зона за да им помогне на своите деца.
– Мора да верувате во себе како родител бидејќи во животот сте најголемиот застапник на вашите деца. И затоа ги учам моите деца. Сега сум тука за нив, но сакам да ги научам самите себе да си бидат најдобри застапници кога ќе пораснат – објасни таа.
Иако не открила за кое дете се работи, нагласила дека тоа го решаваат „ден по ден“.
Актерката има пет деца со нејзиниот сопруг Дин Мекдермот – Беа (5), Фин (10), Хети (10), Стела (14) и Лиам (15).
Во октомври 2021 година, таа ги подгреа гласините за развод кога беше видена пред канцеларијата на адвокатот со нотес на кој пишуваше „старателство“, „поддршка“, „имот“.
Сепак, тие неодамна беа видени како заедно јадат пица речиси една година откако последен пат беа видени во јавноста.
Спелинг и Мекдермот се венчаа во 2006 година, само една година по средбата на снимањето на „Ум над убиството“.
ФОТО: Инстаграм
