Германскиот тенисер Александар Зверев во мај ќе мора да оди на судење, објавија светските медиуми.
Зверев мора да оди на суд поради наводите за физичко малтретирање на поранешната девојка Бренда Пате, откако ја обжали одлуката и казната од октомври минатата година.
Патеа се пожали дека Зверев ја задавил и физички ја малтретирал за време на расправија во мај 2020 година. Двајцата имаат по едно дете.
Информациите за судскиот процес, четири години подоцна, за ДВ ги потврди и Кривичниот суд во Берлин, додека Зверев беше обвинет за „физичко малтретирање и оштетување на Бренда и нејзиното здравје за време на кавгата“. Зверев секогаш го отфрлал ова обвинение, портпаролката на судот вели дека повеќе детали за првите рочишта ќе се знаат подоцна. Засега се знае дека почнува во мај и дека Саша се жалел на казната од 450.000 евра.
Во Германија може да се изречат парични казни за помали кривични дела кога судијата ќе оцени дека нема потреба од судење и дека случајот е јасен. Обвинетиот може да го задржи правото на презумпција на невиност и да поднесе жалба на казната, што значи дека Зверев сега ќе мора да присуствува на јавна расправа.
Неговиот правен застапник досегашната постапка ја нарече скандалозна и изјави дека „не станува збор за правично судење“.
Истовремено, тој ги доведе во прашање форензичките докази што ги користел судот. Освен тоа, адвокатите на Зверев принудија одреден медиум да го отстрани интервјуто со Бренда Пате од декември минатата година за, како што го нарекоа, „преминување на границата на сомнително новинарско известување“.
Со случајот со Зверев, но и со злоупотребата на друга девојка, Оља Шарипова, се занимаваше и АТП, која во јануари минатата година по истрагата заклучи дека нема доволно докази за да се заклучи нешто конкретно.
Засега не се знае како оваа нова процедура ќе се одрази на Зверев во мај и колку ќе се совпадне со турнирите, бидејќи Ролан Гарос започнува кон крајот на петтиот месец. Инаку, Зверев во моментов се подготвува за стартот на Австралија опен каде во вторник во првото коло ќе игра против сонародникот Доминик Кепфер.
