Поранешните победници на римскиот АТП Мастерс 1000 турнир, Шпанецот Рафаел Надал и Германецот Александар Зверев без многу потешкотии ја надминаа првата пречка и се пласираа во осминафиналето на натпреварувањето во Форо Италико.
Зверев (АТП – 3.) брзо се опорави од убедливиот пораз од Карлос Алкараз во неделното финале на Мастерсот во Мадрид и со 7:6 (6), 6:3 го совлада аргентинскиот квалификант Себастијан Баез (АТП – 37.) кој пред само една година победи АТП предизвикувачот Загреб Опен како квалификант.
Германецот не се соочи со брејк-топка, во тај-брејкот од првиот сет промаши четири сет-топки (6-2), пред да ја реализира петтата, за да му го одземе сервисот во осмиот гем од вториот сет го трасираше патот до победата пристигна во 90 минута.
Надал (АТП – 4.) беше побрз и поубедлив против Џон Иснер (АТП – 27.) победувајќи го Американецот со 6-3, 6-1 во 66 минута. Шпанецот ја брани минатогодишната титула и бара пат до 11. триумф во Форо Италико. Од 2005 година до денес само двајца тенисери успеаја да ја прекинат доминацијата на Надал и Ѓоковиќ, а тоа беа Енди Мареј (2016) и Александар Зверев (2017).
