Заморот е природна реакција на нашето тело која сигнализира дека му треба одмор и сон. Обично, ова чувство е особено изразено после интензивен ден.
Ако спиевме добро и квалитетно, следниот ден телото треба да се обнови и да биде подготвено за нови предизвици. Меѓутоа, ако тоа не е случај, ако се уште се чувствувате уморни по добриот сон, тоа може да биде симптом на неколку здравствени состојби, пренесува Живим.хр.
Апнеја – сериозно нарушување на спиењето кое предизвикува периодични паузи во дишењето. Некои од симптомите може да бидат ‘рчење, воздишување, будење со сува уста, чувство на главоболка после спиење и чувство на замор по долг сон.
Анемија – која може да предизвика чувство на исцрпеност и замор и прекумерен замор при утринското будење. Добро е да се сомневате во оваа состојба во случаи на слабост, студени раце и нозе, бледа кожа, вртоглавица или отежнато дишење.
Анксиозност – психолошка состојба која може значително да влијае на уморот на една личност веќе по будењето.
Други болести, исто така, придонесуваат за замор, вклучувајќи дијабетес, болест на тироидната жлезда, лупус, ревматоиден артритис, мултиплекс склероза, синдром на немирни нозе, висок крвен притисок и срцеви заболувања.
Дополнителни симптоми
Покрај тоа, кај утринскиот замор не се невообичаени симптоми како што се главоболка, вртоглавица, проблеми со концентрација, размислување и одлучување, нарушувања на говорот, раздразливост и анксиозност.
Доколку се најдете во некое од горенаведените и ако овие симптоми не исчезнат, но уште повеќе ви го отежнуваат секојдневното функционирање, мора да се консултирате со лекар кој ќе ви даде адекватен третман.
Што можете да направите?
Добар сон вклучува неколку клучни чекори.
Обидете се да останете на отворено во текот на денот, да внимавате на исхраната, а особено да избегнувате тешки оброци, кофеин и алкохол пред спиење.
Избегнувајте алкохол пред спиење и вклучете медитација и техники за длабоко дишење во вашата дневна рутина.
Направете релаксирачка атмосфера во собата – направете ја воздушна и затемнета.
Избегнувајте екрани – исклучете ги уредите најмалку еден час пред спиење и задолжително инвестирајте во квалитетен душек и перници.
