Повеќето луѓе чуваат млеко во вратата од фрижидерот, но како што пишува Метро, експертот открил зошто тоа никогаш не треба да се чува таму.
„Преградите на вратите се потопли од останатиот дел од фрижидерот“, вели Крис Бисли од Smart Cover и советува наместо тоа да го чувате млекото на полица.
Освен тоа, додава тој, сосовите и зачините имаат многу подолг рок на траење од млекото и затоа се попогодни за складирање на врата.
„Зачините и сосовите обично имаат долг рок на траење и немаат потреба од многу ниски температури, па ќе траат долго на вратата или на горната полица“, објаснува тој.
Со овие совети, експертот нагласува дека фрижидерите не треба да се преполнуваат бидејќи преполнувањето со храна може да спречи правилна циркулација на воздухот; што значи дека некои производи нема да го добијат студениот воздух што им е потребен, пренесува Вечерњи лист.
„Сложувањето храна ќе го спречи воздухот да циркулира меѓу нив, па фрижидерот ќе мора да работи повеќе и храната побрзо ќе се расипува“, заклучил тој.
