На што внимавате при изборот на партнер? Дали некогаш сте размислувале кои се свесните, а кои несвесните обрасци кои ве привлекуваат?
На прв поглед, секогаш има физички карактеристики. Бојата на косата и бојата на очите на некои им се важни, додека други посветуваат посебно внимание на висината.
Научниците имаат свои истражувања и толкувања и некои од нив велат дека клучот за среќна врска е соодветната висинска разлика меѓу партнерите. Тоа не значи дека изгледот и личноста се помалку важни, но луѓето внимаваат и на висината на потенцијалниот партнер кога одлучуваат дали да започнат врска со нив.
Истражувачите од Универзитетот во Сеул откриле дека висината на партнерот е особено важна за жените. Наводно се посреќни ако се во врска со релативно висок маж. Полскиот антрополог Богуслав Павловски дури тврди дека постои идеална врска помеѓу височините на партнерите во врската, пренесува порталот 24sedam.rs.
И тука стапува во игра магичниот број 1.09. Истражувањето на професорот Павловски покажало дека за мажот е идеално да биде 1,09 пати повисок од својата партнерка. Тоа значи дека жена од 172 сантиметри ќе биде најсреќна во врска со маж од 187 сантиметри.
Професорот Павловски смета дека желбата на жените за високи мажи има врска со еволуцијата. Висината често била симбол на здравје и поголем репродуктивен потенцијал, но и на социјален статус, пренесува Vijesti.me.
