Лукот е храна која носи многу придобивки за нашето тело: неговите антиоксидантни, антигабични и антибактериски својства се добро познати уште од античко време.
Покрај тоа, консумирањето лук помага во намалување на крвниот притисок и го подобрува здравјето на срцето.
Меѓутоа, за жал, конзумирањето на оваа храна е поврзано со проблеми со лошиот здив кои можат да создадат непријатни ситуации поради присуството на некои супстанции кои се апсорбираат во крвотокот за време на процесот на варење и се транспортираат во белите дробови.
Затоа миењето заби после конзумирање лук не е толку корисно за отстранување на лошиот здив како гума за џвакање или нане: проблемот не е во устата, туку во дигестивниот систем, пишува Нови лист.
Што да се прави тогаш? Д-р Меган Роси на својот Инстаграм профил сподели ефикасен и природен трик за неутрализирање на лошиот здив предизвикан од консумирање лук.
За да го решите проблемот, само изедете едно јаболко во истиот оброк.
„Се покажа дека растителните хемикалии (вклучувајќи го и кверцетинот) во јаболкото комуницираат со сулфурните соединенија во лукот, неутрализирајќи го тој посебен мирис“, објаснува д-р Роси во својот пост.
Но, не само јаболкото има „моќ“ над лукот.
Еве листа на намирници кои може да се додадат во јадења богати со лук за да се неутрализира мирисот на таа храна (тоа е зеленчук кој мора да се јаде суров за да биде ефикасен.
зелена салата
магдонос
нане
спанаќ
Накратко, ако имате намера да се почестите со јадења со лук или да ги подготвите за гости, не заборавајте да ставите убава корпа со јаболка на масата или да додадете малку листови спанаќ или магдонос во садот за да го спречите лошиот здив.
