Податоците на националните централни банки во Русија покажуваат драстично намалување на државните резерви. Златните и девизните резерви на Русија во мај се намалија за 11,6 милијарди долари, стигнувајќи до 584,2 милијарди долари.
Се истакнува дека како резултат на тоа, земјата падна на петтото место меѓу економиите со најголеми меѓународни резерви.
Од друга страна, Кина, според објавените податоци, и понатаму останува на врвот кога се во прашање меѓународните златни резерви – на крајот на мај 2023 година, нејзините средства изнесуваа 3,371 трилиони долари.
Во март, Руската централна банка (РЦБ) го обнови објавувањето податоци за структурата на девизните резерви.
И додека Русија, Турција, Индија и Кина сочинуваат речиси 60% од нето-промената на златните резерви на глобално ниво од 2017 до 2022 година, малите земји од Блискиот Исток и Северна Африка се тие кои купуваат злато со најбрзи стапки. Мавританија, Катар и Обединетите Арапски Емирати повеќе од тројно ги зголемија своите златни резерви од 2017 до 2022 година, додека Оман ја зголеми својата некогаш скудна понуда на злато за повеќе од 100 пати.
