Златан Ибрахимовиќ се прости од фудбалот ставајќи крај на својата професионална играчка кариера

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
- Advertisement -
Ad image

Златан Ибрахимовиќ (41) вчера се прости од фудбалот ставајќи крај на својата професионална играчка кариера. По натпреварот помеѓу Милан и Верона, легендарниот шведски фудбалер објави дека со истекот на договорот со Милан завршува и неговата фудбалска кариера.

Ибрахимовиќ со многу емоции и солзи во очите се прости од навивачите.

 

-Дојде моментот да се збогуваме со фудбалот, а не и од вас – им порача Златан на навивачите на Милан во емотивното обраќање.

Веднаш по објавата на Ибрахимовиќ , прв спортската пензија му ја честита неговиот голем пријател, српскиот тенисер Новак Ѓоковиќ.

-Најјак си брате Ибра – напиша Ѓоковиќ и објави фотографија од Златан во дресот на Милан.

Ѓоковиќ и Ибрахимовиќ ги врзува долгогодишно пријателство. Двете големи ѕвезди често ја забавуваа јавноста со весели видеа од нивните дружења, а неодамна заедно го следеа натпреварот меѓу Интер и Милан во полуфиналето на Лигата на шампионите.

За време на неговата професионална кариера, која започна во 1999 година, Ибрахимовиќ играше за шведскиот Малме, холандскиот Ајакс, италијанските клубови Јувентус, Интер и Милан, шпанската Барселона, францускиот Пари Сен Жермен, англискиот Манчестер Јунајтед и американскиот Лос Анџелес Галакси.

Тој постигна вкупно 511 гола и освои шампионски титули во четири земји.

- Advertisement -
Ad image

Ибрахимовиќ вторпат го облече дресот на Милан на почетокот на 2020 година, а минатата сезона со Росонерите го освои италијанското првенство.

Тоа беше негово второ скудето со Милан, а претходното го освои во 2011 година.

Ибрахимовиќ сепак оваа сезона одигра само четири првенствени натпревари за Милан и постигна еден гол, бидејќи имаше многу проблеми со повредите.

- Advertisement -
Ad image

Во текот на својата играчка кариера, Ибрахимовиќ освои вкупно 34 трофеи, од кои 14 титули во националниот шампионат. Единствениот голем клупски трофеј што го нема освоено е оној највредниот во Лигата на шампионите.

Share This Article