Некои од најбогатите жени во светот – Меланија Трамп, Карла Бруни, Кејт Мидлтон, Меган Маркл итн., имаат една специфична карактеристика во нивната родна карта. Астрологот Јулија Луфанова смета дека тоа е посебен аспект што го имаат сопругите на милионерите.
Станува збор за планетата Сатурн и знакот на нејзиниот владетел – Јарец. Токму положбата на таа планета на полето на бракот, според хороскопот, често укажува на тоа дека човекот богато ќе се омажи, дека ќе има сопруг чија цел во животот не е само да биде финансиски стабилен туку и да биде богат, како и да се грижи за семејството.
Како да знаете дали Сатурн и соѕвездието Јарец се во поволна положба за вас? За да креирате карта за раѓање, само треба да ги внесете вашите податоци во кој било астро-процесор, кој го има во изобилство на мрежата, а потоа да видите во кој знак и куќа се наоѓа планетата Сатурн, како и соѕвездието Јарец. Ако „паднат“ во 7-ма куќа, тогаш ви е судено да станете богата жена!
Меѓутоа, ако ваквото читање графикони ви е комплицирано, можете едноставно да го анализирате вашиот хороскопски знак. Праксата покажа дека најдоходовните бракови, ако може така да се наречат, ги прават жените во земјените знаци – Девица, Бик, Јарец, бидејќи најмногу се фокусирани на удобен живот. За нив чувствата се нераскинливо поврзани со материјалните работи, па најчесто рационално и доста критички бираат сопруг.
Друг важен аспект кој „предвидува“ богат брак на картата на раѓање е поврзан со присуството на Венера во знакот Девица. Жените кои го имаат овој аспект не само што се мажат за богати мажи, туку и самите се многу успешни и имаат завидни кариери кои им носат многу пари. Од друга страна, оваа положба на Венера се смета за проблематична, бидејќи често жените кои ја имаат во наталната карта се претерано самоуверени и знаат да бидат арогантни, пренесува Luftika.rs.
