Во изминатите две децении во Велика Британија и во САД се зголемува бројот на заболени од рак на грлото, а поради зголемениот број на луѓе, експертите оваа појава ја нарекуваат пандемија.
„До 70 проценти од пациентите со рак на грлото се припишуваат на сексуално преносливиот вирус ХПВ, кој е поврзан со неколку форми на рак“, рече Хишман Механа од британскиот универзитет во Бирмингем.
Механа истакнува дека ризикот од добивање на рак на грлото е поголем кај луѓето кои имаат повеќе од еден сексуален партнер, а особено кај оние кои почесто практикуваат орален секс. Ова е најголемиот ризик, дури и поголем од пушењето, нездравата исхрана или алкохолот.
Има голем пораст на ракот наречен орофарингеус, најчестиот вид на рак на грлото, кој се појавува во крајниците и задниот дел на грлото, пренесува dnevnik.hr.
ХПВ предизвикува инфекции во задниот дел на грлото или во близина на крајниците, и иако во повеќето случаи овие инфекции исчезнуваат сами од себе, тие исто така можат да предизвикаат рак.
„Оние со шест или повеќе доживотни партнери за орален секс имаат 8,5 пати поголем ризик да развијат рак на орофарингеален карцином од оние кои не практикуваат орален секс“, пишува The Conversation.
Повеќе од 50.000 случаи на рак на усната шуплина или фаринксот се дијагностицираат секоја година во САД, предизвикувајќи повеќе од 10.000 смртни случаи годишно. Сепак, бројот на случаи се зголемува, до 1,3 отсто годишно кај жените и 2,8 отсто кај мажите, според Американското здружение за рак.
Секоја година во Обединетото Кралство повеќе од 12.000 заболуваат од рак на главата и грлото, од кои 4.000 умираат, пишува Daily Mail.
„Повеќе од 90 проценти од карциномот поврзани со ХПВ може да се спречат со ХПВ вакцината, но опфатот со вакцинација останува неоптимален“, заклучил научник од здравствениот центар Хенри Форд во Детроит.
