Земјотрес со јачина од 5,6 степени според Рихтеровата скала го погоди Азербејџан, земја на југот од Кавказ, во четвртокот рано наутро.
Епицентарот на земјотресот, кој се случи во 8 часот и 16 минути по локално време, е Каспиското Море, се наведува во соопштението на сеизмолошкиот центар на Азербејџан.
Во соопштението се додава дека земјотресот се случил на длабочина од 68 километри.
Земјотресот беше почувствуван и во главниот град Баку.
Според информациите од Министерството за вонредни состојби, нема извештаи за повредени или материјална штета.
