Украинскиот претседател Володимир Зеленски во неделата изјави дека само Русија е способна да користи нуклеарно оружје во Европа.
Зеленски ги критикуваше изјавите на рускиот министер за одбрана Сергеј Шојгу во телефонските разговори со западните колеги дека Украина би можела да се подготвува да употреби „валкана бомба“ во актуелниот конфликт, конвенционално оружје чие јадро е обвиткано во нуклеарен материјал.
„Ако некој може да користи нуклеарно оружје во овој дел од Европа – тоа може да биде само еден извор – а тоа е тој што му наредил на другарот Шојгу да телефонира овде-онде“, рече Зеленски во својата вечерна видео порака.
Зеленски додаде дека „телефонската рингишпил“ на Шојгу ја разјаснила ситуацијата. „Сите совршено разбираат. Тие разбираат кој е изворот на сите валкани работи што може да се замислат во оваа војна“, рече украинскиот претседател.
