Украинскиот претседател Володимир Зеленски повторно се појави на својот Фејсбук профил.„Ако не ја запрете Русија веднаш, ако не ја казните веднаш, другите агресори во светот ќе ги започнат своите војни. На различни места во светот. На различни континенти. Секаде каде една земја сонува да ги потчини соседите“, напиша накратко Зеленски со фотографии.
Автори на фотографиите се: Алекс Лури, Вадим Гирда, Михаил Палинчак, Волфганг Шван и Мстислав Чернов.
Зеленски повика на значајни безбедносни разговори со Москва
Украинскиот лидер претходно денеска повика на значајни мировни и безбедносни разговори со Москва, велејќи дека тоа е единствената шанса на Русија да ја ограничи штетата од грешките по инвазијата, во спротивно ќе бидат потребни генерации за да се опорави од претрпените загуби за време на војната.
„Сакам сите да ме слушнат сега, особено во Москва. Време е за средба, време е за разговор“, рече тој во видео обраќањето објавено во саботата рано наутро.
Да потсетиме, во тек е 24-тиот ден од руската агресија врз Украина. Сите информации поврзани со војната во Украина можете да ги најдете на нашиот БЛОГ ВО ЖИВО.
