Претседателот Володимир Зеленски го разреши Вадим Пристајко од функцијата амбасадор на Украина во Велика Британија.
Ројтерс пренесува дека одлуката објавена од канцеларијата на Зеленски не укажува на причината за отпуштањето, ниту дека Пристајко е сменет и од функцијата претставник на Украина во Меѓународната поморска организација.
Во претседателската наредба не е наведена причината за разрешувањето на амбасадорот или пак се наведува дека Пристајко е разрешен и од функцијата претставник на Украина во Меѓународната поморска организација.
„Гардијан“ потсетува дека Пристајка неодамна го критикуваше Зеленски додека гостуваше на една британска телевизија.
Откако британскиот министер за одбрана Бен Валас неодамна предложи „Украинците да му покажат малку благодарност“ на Западот за сета помош, Зеленски саркастично рече на самитот на НАТО: „Како поинаку да покажеме благодарност? Можеме да се будиме секое утро и да му се заблагодариме на министерот (на Велика Британија, оп.а.)“.
Причината за разрешувањето е јавна критика кон Зеленски?
Коментирајќи ја изјавата на неговиот претседател во интервју за Sky News, Пристајко рече: „Верувам дека одговорот на претседателот беше малку саркастичен. Не верувам дека таков сарказам е здрав. Не треба да им покажеме на Русите дека не се согласуваме за нешто. Тие треба да знаат дека работиме заедно. Ако нешто се случи, Бен (Валас, оп.а.) може да ми се јави и да ми каже сè што го загрижува“.
Велика Британија е верен сојузник на Киев од почетокот на руската специјална воена операција во Украина во февруари минатата година.
