Украинскиот претседател Володимир Зеленски денеска изјави дека неговите војници се во тешка ситуација поради студот. Тој на Телеграм напиша дека украинските војници се во тешка ситуација во близина на Лиман, Бахмут, Авдијивка и во Доњецк.
На истокот од Украина денеска температурата е минус пет Целзиусови степени со снег и мраз, а се очекува дополнително заладување, пишува Ројтерс.
Да потсетиме, за време на есента, руската армија започна офанзива на различни делови од линијата на фронтот на истокот на Украина.
Главните битки се водеа во близина на градот Авдијивка пред неколку месеци и на североистокот на земјата меѓу градовите Лиман и Купјанск. Руските сили во моментов контролираат речиси една петтина од Украина.
