Украинскиот претседател Володимир Зеленски ќе ја посети Обединетото Кралство, каде ќе се сретне со британскиот премиер Риши Сунак. Зеленски подоцна ќе се обрати и пред парламентот во Лондон.
Во соопштението за печатот, канцеларијата на Сунак исто така потврди дека Велика Британија сега ќе обучува и украински борбени пилоти и маринци.
Ова ќе биде прва посета на Зеленски на островот од почетокот на руската агресија врз неговата земја пред речиси една година. За тоа време тој ја напушти својата татковина дури на крајот на декември минатата година, кога беше во посета на Вашингтон.
Извори од ЕУ за СТА во понеделникот изјавија дека се очекува и украинскиот претседател да присуствува на вонредниот самит на лидерите на ЕУ, што ќе се одржи во Брисел во четврток и петок. Во исто време треба да се одржи специјална седница на Европскиот парламент, на која Зеленски треба да им се обрати на пратениците.
