Претседателот на Украина Володимир Зеленски оцени дека судбината на Донбас се решава во битката за Северодоњецк.
Зеленски во видеообраќање рече дека битката за Северодоњецк е една од најтешките во војната со Русија.
– Северодоњецк останува епицентарот на конфликтот во Донбас – нагласи Зеленски.
Според последните информации, руските сили контролираат поголем дел од градот, а особено жестоки борби се водат во индустриската зона на Северодоњецк.
