Украинскиот претседател Володимир Зеленски изјави дека вооружените сили на неговата земја сè уште имаат контрола над Бахмут, и покрај нападите на руските сили.
„Го чуваме градот, иако окупаторите прават се за да не остане таму ниту еден неоштетен ѕид“, рече Зеленски во видео обраќањето.
Тој рече дека насоката Бахмут е клучна, додавајќи дека тој и украинските воени претставници имале состанок за детално да ја испитаат ситуацијата во регионите Доњецк и Луганск.
На јужниот фронт, Зеленски рече дека украинската армија постепено го намалува потенцијалот на руските сили во регионите Запорожје и Керсон.
Украинскиот лидер ја повика Украина да добие доволно модерни системи за противвоздушна одбрана.
„Се подготвуваме за сите можни одбранбени сценарија“, нагласи Зеленски, зборувајќи за важноста на заштитата на границата на Украина со Русија и Белорусија.
Зеленски, исто така, рече дека имало сериозни прекини на струја поради руските ракетни напади врз енергетската инфраструктура во Украина на 16 декември.
Тој додаде дека, благодарение на работите за време на викендот, околу девет милиони потрошувачи во Украина повторно имаат струја.
Albanian
English
Macedonian
Turkish
