Здравко Чолиќ со причина е една од најголемите ѕвезди на Балканот. Пејачот има генерации обожаватели кои верно го следат и знаат да поминат илјадници километри за да не го пропуштат концертот на Чолиќ.
Музичката ѕвезда покажува љубов и почит кон својата публика и знае да возврати, а тоа го покажа и на концертот во Босна и Херцеговина.
Балканската музичка ѕвезда Здравко Чолиќ на 19 јули настапи во Босна и Херцеговина, во општина Теслиќ.
Меѓутоа, набргу по почетокот на концертот започнало невреме, па концертот бил прекинат по половина час. Концертот на легендарниот пејач бил прекинат од силниот дожд и ги растерал посетителите, а поради количеството врнежи, по улиците течеле потоци.
Кога гром блеснал над стадионот, неколку илјади обожаватели на Чола го напуштиле концертот, јавуваат босанските медиуми.
Меѓутоа, дождот не го спречил Чолиќ, па тој продолжил да пее за сите што останале на настапот.
На социјалната мрежа ТикТок се појави видео на кое може да се види колку се обилни врнежите додека музичката ѕвезда го пее својот голем хит „Права ствар“.
„Легенда“, „Каков цар“, „Ти си најголем“, „Здравко е легенда, а песните се хитови кои вечно ќе се пеат“, се само дел од бројните коментари под објавата.
