Над 600.000 луѓе останаа без струја во сојузните држави Њујорк, Њу Џерси, Пенсилванија, Северна Каролина и Вирџинија поради невремето придружено со ветрови и силен дожд и град што го зафати североисточниот дел на САД.
Според податоците на веб-страницата poweroutage.us, без струја се и околу 77.000 луѓе во Џорџија и Флорида.
Централниот и јужниот дел на западното крајбрежје беа зафатени од торнада и снежни виулици.
Гувернерот на Њу Џерси, Фил Марфи, веќе прогласи вонредна состојба, а властите на Њујорк евакуираа речиси 2.000 мигранти сместени во шатори, бидејќи се предвидуваше удари на ветер до 112 километри на час.
Во сојузната држава Мејн институциите денеска ќе бидат затворени поради невремето.
Националната метеоролошка служба предупреди на можни големи поплави во одредени делови на Лонг Ајленд.
Досега се пријавени најмалку три постари лица повредени, а повеќе од 80 училишта низ Грузија ја откажале наставата.
