Ништо нема да го спречи исполнувањето на целите и задачите на специјалната операција на Руската Федерација во Украина, ниту вооружувањето на Киев, санкциите или заплашувањата, изјави портпаролката на руското Министерство за надворешни работи, Марија Захарова на денешниот брифинг пред новинарите.
– Сакам уште еднаш да потврдам дека никакво снабдување на Киев со западно оружје, никакви терористички методи на војување на украинските вооружени групи, вклучително и заплашување, пропаганда, фалсификување, дезинформации, закани, ништо нема да го спречи исполнувањето на целите и задачите поставени од властите на Руската Федерација – рече Захарова.
Таа информираше и дека преговорите со Украина продолжуваат во онлајн-формат, но дека украинската делегација „ги насочува напорите да не се постигне договор, туку да се одложат преговорите“.
