На неколку руски новинари не им беше дозволено да го следат состанокот на Советот на министри за надворешни работи на ОБСЕ во Скопје, изјави портпаролката на руското Министерство за надворешни работи, Марија Захарова. Таа коментираше дека една од функциите на ОБСЕ е токму заштитата на новинарите, пишува руски Спутник.
Таа смета дека претставничката на ОБСЕ за слобода на медиумите Тереза Рибеиро „не се ни преправа дека не работи“ и дека завршила апсолутно неуспешна работа.
Според Захарова, Москва забележала дека некои земји од Западот се мешале во нормалното учество на Русија на самитот.
– Тие, всушност, го ставија на коцка самото постоење на организацијата – додаде таа.
Портпаролката на руското МНР истакнала дека продолжуваат подготовките за посетата на руската делегација на состанокот на ОБСЕ во Скопје.
