Министерството за внатрешни работи објави детали за сообраќајната несреќа што се случи вчера околу 13:53 часот на патот Битола – Ресен кај превојот „Ѓавато“ во атар на с.Ѓавато, а во која едно лице го загуби животот.
Како што информира МВР, во несреќата учествувале автомобил „Сеат“ со ресенски регистарски ознаки управувано од И. А.(57) од Ресен и сопатник во истото возило А.А.(56) од Ресен и „Мерцедес” со ресенски регистарски ознаки управуван од С. Ј.(52) од Ресен.
„Во незгодата на лице место починала И.А. при што смртта ја констатирал доктор од итна медицинска помош, а сопатникот на Сеатот и возачот на Мерцедесот се здобиле со лесни телесни повреди“, велат од МВР.
Увидот го извршила увидната екипа на СВР Битола.
