„За време на претресот (кај Трамп), агентите на ФБИ пронајдоа документи кои ја опишуваат воената одбрана на странска влада, вклучувајќи ги и нејзините нуклеарни капацитети, велат извори запознаени со ситуацијата“, објави Вашингтон пост. Според написот, во документите во вилата во Флорида биле опишувани тајните операции на САД во толкав детал што дури највисоките функционери во САД не ги знаеле овие нешта.
Наводно, пристап до податоците имале само претседателот и ограничен број службеници на администрацијата.
Претресот кај Трамп се случи на 8 август поради незаконско користење, кражба и уништување на службени материјали. Беа запленети стотина документи. Трамп тогаш ги демантираше информациите дека има доверливи документи за нуклеарното оружје на други земји, додека агентте на ФБИ барале документи поврзани токму со ова.
