Најмалку 233 лица починаа во болниците во Венецуела поради прекини на електрична енергија, соопштија здравствените власти.
„Во текот на 2019 година, 17 лица починале поради прекини на струја, во 2020 година 75, а во 2021 година 141″, што е вкупно 233“, се вели во студијата на Националната академија за медицина.
Во студијата учествувале лекари од големи болници, а започната е во 2014 година поради различни здравствени проблеми како недостиг на лекови и прекини на вода и струја.
„Некои пациенти починаа во 2019 и 2020 година поради прекини на струја бидејќи им требаше респиратор или мораа да имаат итна операција, но лифтовите не работеа“, се вели во извештајот.
Според студијата, зголемувањето на бројот на смртни случаи во 2021 година е поврзано со пандемијата на коронавирус.
„Бидејќи ова е болест со респираторни проблеми, на најтешките пациенти им беше потребна постојана повеќедневна употреба на респиратори“, се додава во студијата.
Венецуела има постојани прекини на струја во последните десет години.
Претседателот Николас Мадуро обично ги припишува тие исчезнувања на саботажа, како и на меѓународни санкции.
Сепак, експертите сметаат дека енергетската криза во болниците е резултат на долгогодишно лошо менаџирање и недостаток на инвестиции.
