Земјотрес со Рихтерова локална магнитуда ML 4.2 и интензитет од IV степени според Европската макросеизмичка скала, е почувствуван вечерва во 18 часот и 31 минута во источниот дел од земјата.
Сеизмолошката опсерваторија при Природно-математичкиот факултет во Скопје, соопшти дека земјотресот е регистриран на 120 километри југоисточно од Скопје и потекнува од пограничното епицентрално подрачје Пехчево-Кресна.
24 минути подоцна е регистриран уште еден земјотрес во овој регион, овој пат со јачина од 3.6 степени и интензитет од IV степени на длабочина од 2 километри.
Инаку утринава беше регистран земјотрес во 6:36 часот и беше со Рихтерова локална магнитуда ML 2.8 и интензитет од III степени според Европската макросеизмичка скала.
