Вулканот Каримски на Камчатка на рускиот Далечен Исток денеска исфрли колона од пепел висока до пет километри, а пепелта би можела да покрие населени места, соопшти Министерството за вонредни ситуации на Русија.
Во соопштението се наведува дека пепелта се шири во правец на северозападните населени места во општина Милково и дека е загрозен природниот резерват Кронотски, пренесе агенцијата Интерфакс.
Од министерството посочуваат дека вулканот најверојатно до 28 јуни ќе продолжи да исфрла пепел што ќе падне врз населените места.
Според Секторот, во областа кај вулканот нема регистрирани туристички групи.
Вулканот Каримски претходно исфрли колона од пепел на висина до 2,5 километри.
Поради ерупција на вулканот, на сила е портокалово предупредување за летови на авиони и други авиони.
Albanian
English
Macedonian
Turkish
