Претседателот на Србија, Александар Вучиќ, во Белград се сретна со командантот на Здружената команда на НАТО, адмирал Стјуарт Манча, кој, како што напиша, побарал алијансата да го заштити српскиот народ на Косово и Метохија.
„Добар разговор со адмиралот Манча. Го замолив НАТО да го заштити нашиот народ на Косово и Метохија и се заблагодарив за разбирањето на српската политика на неутралност“, напиша Вучиќ на Инстаграм профилот на будуќнострбијеав.
Вучиќ претходно разговараше со вицепремиерката и министерка за надворешни работи на Словенија, Тања Фајон.
„Словенија е еден од нашите најважни партнери, како на полето на надворешната трговија, така и на инвестициската соработка. Особено сме задоволни што српските компании се се поактивни како инвеститори во Словенија. На министерката Фајон и кажав дека Србија е заинтересирана за натамошно интензивирање на економската соработка, со посебен акцент на преработувачките индустрии, ИТ секторот, банкарството и осигурувањето, како и обновливите извори на енергија. Ја информирав за ситуацијата на Косово и Метохија и и се заблагодарив за поддршката од Словенија на европскиот пат на Србија“, напиша Вучиќ на Инстаграм.
