Микрофонот на српската државна телевизија РТС го фати киселото лице на српскиот претседател Александар Вучиќ како вели „да им објасни некој што чекаат сега?“, откако три минути стоеше покрај автомобилот на германскиот канцелар Олаф Шолц за да го испрати.
Немаше изјави за медиумите, а Шолц само влегол во автомобилот. Снимката од ова недоразбирање ја објави српската опозиционерка Мариника Тепиќ.
Во присуство на Вучиќ и на Шолц, Србија денеска потпиша Меморандум за разбирање со Европската Унија за стратешко партнерство за одржливи суровини, синџири за производство на батерии и електрични возила.
Овој потег ја носи Србија чекор поблиску до започнување на ископ на литиум на западниот дел на земјата, на што силно се спротивставуваат еколошките активисти, граѓанските движења и речиси целата опозиција во Србија.
