Српскиот претседател Александар Вучиќ пред заминувањето за Брисел изјави дека нема да има капитулација или враќање во 90-тите и дека Србија ќе оди напред, без разлика колку и да е тешко.
„Заминуваме за Брисел, ги завршивме последните подготовки. Сакам да му се заблагодарам на оној дел од Србија кој има доверба во својот државен врв и кој верува дека ќе го направиме она што е најдобро за нашата земја“, напиша Вучиќ на својата „иднина на Србија“ на Инстаграм.
Тој додаде дека нема да има капитулација, ниту враќање во деведесеттите, а Србија ќе оди напред колку и да е тешко.
„А тие што однапред се подготвуваат да не нападнат како да ќе потпишеме нешто затоа што така ќе бидеме предавници и однапред знаат дека ние сме виновни и дека се враќаме во деведесетите, можам само да им кажам да не грижи“, рече Вучиќ.
Вучиќ денеска во Брисел ќе се сретне со претставникот на ЕУ за дијалог меѓу Белград и Приштина, Мирослав Лајчак и со високиот претставник за надворешна политика и безбедност Јосеп Борел, а потоа ќе се сретне и со косовскиот премиер Аљбин Курти. Тема на средбите е европскиот предлог, односно француско-германскиот план за Косово.
