Индија го забрани извозот на пченица и таа одлука на државата стапи на сила доцна синоќа, соопшти владата во Њу Делхи.
Вториот по големина производител на пченица во светот се обидува да ја намали цената на локалниот пазар. Испораките на пченица се дозволени само во случаи кога продажбата била одобрена претходно, додаде владата, објави „Ројтерс“.
Откупувачите од целиот свет се свртеа кон Индија за откуп на пченица, откако беше прекинaт извозот на пченица од Украина по рускиот напад.
Минатиот месец Индија имаше извезено рекордни 1,4 милиони тони пченица. Споредбено со лани истиот период, кога извозот на пченица од Индија бил 242 илјади тони.
