Врховниот суд донесе пресуда по предметот за убиството на хрватскиот ракометар Денис Тот, со која се отфрла жалбата на одбраната.
„Советот за казниви дела при Врховниот суд на Република Северна Македонија одлучуваше по поднесените барања за вонредно преиспитување на правосилна пресуда, по предметот за убиството на хрватскиот ракометар Денис Тот. Советот за казниви дела при Врховниот суд на Република Северна Македонија донесе пресуда КВП2-101/23, со која барањата за вонредно преиспитување на правосилната пресуда, поднесени од осуденитe А. Ѓ., К.Л. и А.К. против пресудата на Основниот кривичен суд Скопје К.бр.1768/22 од 30.11.2022 година и пресудата на Апелациониот суд Скопје КЖ-224/23 од 05.06.2023 година, ги одби како неосновани“ – се вели во известувањето на Врховниот суд.
На 30 ноември 2022 година Кривичниот суд ги осуди Анџело Ѓорѓиевски и Клементина Левковска на 18 години затвор, а Андреј Костовски на 16 години затвор за убиството на хрватскиот ракометар Денис Тот пред скопската дискотека „Привилиџ“ во април истата година.
