Времето денеска ќе биде променливо облачно и релативно топло. Ќе дува слаб до умерен ветер од јужен правец. Претежно во западните делови и особено од пладневните часови ќе има локална појава на повремен пороен дожд и услови за ретки грмежи.
Во Скопје ќе биде сончево со мала до умерена облачност поголема попладне кога ќе има услови за појава на краткотраен дожд.
Следува период на релативно топло време. Утре и во среда ќе има зголемено наоблачување со локални врнежи од дожд, краткотрајно поројни и повремено проследени со грмежи. Во деновите потоа времето ќе биде стабилно со постепен пораст на температурата.
